Пиастри: Бевме последни кога дојдов... ова е најдобар момент во кариерата

Австралискиот возач Оскар Пјастри победи во Баку и забележа втор триумф во кариерата во Формула 1. Возачот на Мекларен водеше битка со Леклерк0 од Ферари, по која на крајот беше победник.

„Ова е дефинитивно една од најдобрите трки во мојата кариера. Со оглед на тоа каде бевме кога се приклучив на тимот минатата година, бевме последни и сега водиме во шампионатот... Секоја чест за целиот тим за пресвртот во последните 18 месеци, а јас поради нив напредував ова е огромен тимски напор и возбуден сум да видам што носи иднината“, рече Пјастри.

Мекларен сега го зазеде првото место во шампионатот за конструктори и има 20 бода повеќе од Ред Бул, благодарение на четвртото место на Норис.