• Мартин Танасковски
Почнувајќи од сезоната 2027, Големата награда на Аргентина во МотоГП ќе се пресели од досегашната локација во Термас де Рио Ондо и ќе се вози на легендарната патека во Буенос Аирес.
Ова ќе биде првпат по цели 28 години, односно од сезоната 1999, МотоГП шампионатот повторно да се врати на најпознатиот аргентински автодром. Официјално е најавено дека патеката во Буенос Аирес ќе биде темелно реновирана, со цел да ги исполни највисоките безбедносни и технички стандарди.
Проектот за реновирање опфаќа проширување на зони за излетување, подобрување на асфалтот, реконструкција на пит-лејн зоната, како и модернизација на инфраструктурата за прием на тимови, медиуми и публика.