• Мартин Танасковски
Се чини дека трансфер сагата околу Макс Верстапен и неговата можност да премине во Мерцедес за сезоната 2026 ќе заврши без конкретен исход. Шефот на тимот, Тото Волф, изјави за австриската телевизија „ORF“ дека приоритет на екипата е да го задржи Џорџ Расел и да му даде шанса на младиот талент Андреа Кими Антонели.
„Нашиот фокус останува на Џорџ и Кими. Тоа се двајца возачи во кои веруваме и сакаме да изградиме иднина со нив“, нагласи Волф, со што индиректно ја намали можноста за ангажман на тројниот светски шампион Верстапен.
Расел има договор со Мерцедес до крајот на актуелната сезона, додека развојот на кариерата на Антонели зависи од тоа дали ќе добие доверба за да биде прв возач на тимот.
ФОТО: Oracle Red Bull Racing / Facebook