ВИДЕО: Маркез беше на пат до пол-позиција, но падна и му ја „подари“ на Бањаја

• Иван Димовски

Франческо Бањаја освои пол-позиција на трката за Големата награда на Чешка, користејќи го падот на најголемиот фаворит Марк Маркез. 

Италијанецот извозе најбрз круг со време 1:52,303 на патеката во Брно. Иако Маркез беше на пат да го турне од првото место, загуби рамнотежа и излета од патеката при главниот обид. Поради тоа Шпанецот ќе започне како второпласиран, бидејќи веќе имаше поставено второ најбрзо време. 

На третата позиција се пласира Фабио Квартараро од Јамаха, заокружувајќи го првиот стартен ред. 

Спринт трката во Брно се вози денес во 15:00 часот, додека главната трка в недела е час порано (14:00).