Марк Маркез ја потврди доминацијата во Арагон и се врати во трката за титулата!

Марк Маркез продолжува да доминира на „Моторленд Арагон“. Возачот на Дукати триумфираше на Големата награда на Арагон во Мото ГП и стигна до осмата победа во кралската класа на оваа патека.

Шпанецот имаше одличен старт, брзо го презеде водството од Марк Бецеки и до крајот успешно ги одби нападите на Педро Акоста, кој заврши втор. Бецеки го освои третото место, додека Алекс Маркез беше четврти, а лидерот во генералниот пласман Хорхе Мартин заврши петти.

По победата во спринтот и триумфот во главната трка, Маркез освои максимални бодови за викендот и сега има 237 бода, само 19 помалку од Мартин, кој е лидер со 256. Бецеки е трет со 232. До крајот на сезоната остануваат уште девет трки, па борбата за титулата станува сè понеизвесна.