• Саше Љолес
Возачот на Ферари, Шарл Леклер, не го криеше задоволството по победата на Големата награда на Велика Британија, истакнувајќи дека триумфот доаѓа по тежок период за него и тимот.
Тој посочи дека во последните неколку тркачки викенди се соочувале со проблеми и грешки, но во Силверстоун конечно успеале да го пронајдат вистинскиот ритам и да го извлечат максимумот од болидот.
„Прекрасно чувство, после долго време победив и се радувам на успехот. Имавме многу проблематични викенди сезонава, немавме среќа, а во одредени моменти грешев и јас. Се враќаме во полн ритам и се надевам дека оваа победа нема да е последна. Тимот е заслужен исто така, ова е голем успех на нашиот болид“, рече Леклер.
За Леклер ова е прва победа по октомври 2024 година. Возачот од Монако моментно е четврти во генералниот пласман со 108 бодови.