• Саше Љолес
Возачот на Алпин, Франко Колапинто, ќе остане во тимот и во следната сезона во Формула 1, соопшти францускиот тим.
Аргентинецот и понатаму ќе биде тимски колега на Пјер Гасли, кој минатата година го продолжи договорот со Алпин до 2028 година.
„Се чувствувам многу среќно и стабилно овде. Уште подобро е што оваа година направивме значаен напредок во однос на минатата. Пред нас има уште многу цели што треба да ги оствариме и знам дека целиот тим напорно работи на подобрување на перформансите и болидот“, изјави Колапинто.
Колапинто моментално се наоѓа на 12. место во генералниот пласман со 19 бодови. Најдобар резултат сезонава му е шестото место на Големата награда на Канада во мај. За споредба, Гасли има 44 освоени бодови.
Ова е првата целосна сезона на Колапинто во Формула 1. Тој дебитираше во втората половина од сезоната 2024, кога во Вилијамс го замени Логан Сарџент, со што стана првиот аргентински возач во Формула 1 по 2001 година.