Хамилтон е позитивен на ковид-19, за него Формула 1 сезоната е готова?

Луис Хамилтон доби позитивен наод на коронавирусот, откако по трката за Големата Награда на Бахреин појавил благи симптоми. Британецот бил веднаш тестиран и ќе мора да мине период на самоизолација. 

Иако веќе ја обезбеди титулата во Турција, Хамилтон беше убедлив и во Бахреин, а со сигурност посакуваше уште две победи на последните трки во Формула 1 сезоната. Сепак, сигурно е дека нема да води овој викенд на истата патека во трката за Големата Награда на Сакхир. 

Засега не е познато кој ќе го заземе неговото место во брзиот Мерцедес овој викенд, но доколку Хамилтон не добие негативен тест во наредните две седмици, може да ја пропушти и последната трка во Абу Даби, што би значело дека сезоната за него е готова.