• Иван Димовски
И на третата етапа на релито Дакар победи Американец, бидејќи најбрз овојпат беше Мич Гатри со својот Форд Раптор.
Американскиот возач имаше повеќе среќа од останатите и го победи Мартин Прокоп, кој го води второпласираниот тим во поредокот. На денешната етапа Гатри имаше предност од две ипол минути, а на третото место се пласира Гај Ботерил со својата Тојота. Во топ пет се пласира и Кристина Гутиерез од Дачиа.
Stage highlights from the Dakar Classic at #Dakar2026.#DakarClassic highlights presented by Tudor Watch#BornToDare #TudorWatch #Dakar2026 pic.twitter.com/lbqNSE8RMJ
— DAKAR RALLY (@dakar) January 6, 2026
Во вкупниот поредок Гатри и неговиот совозач Валч имаат предност од само 26 секунди пред чешката двојка. Меѓу петмината најдобри се и искусните Екстром, Саинц и Рома со своите колеги.
Кај мотоциклистите победата ја однесе Тоша Шареина од Хонда и скокна на третото место во поредокот, а лидер остана Даниел Сандерс од КТМ. Петта дама која победила на една етапа стана Пук Класен во категоријата Челенџер. Претходно такво нешто им успеало на Јута Клајншмидт (автомобили), Кристина Гутиерез (Т3, потоа челенџер), Сара Прајс (ССВ) и Даниа Акел (челенџер).