Формула 1 календарот со 23 трки: Почетокот во Австралија, крајот во Абу Даби

Новата сезона во формула 1 е најдолгата во историјата на најпознатиот автомобилски спорт. Меѓународната автомобилска федерација (ФИА) го одобри календарот за новата сезона. 

Во 2021 година е планирано да се одржат 23 трки. Сезоната започнува на 21 март со трка во Австралија и завршува со етапа во Обединетите Арапски Емирати на 5 декември. Единствено непознато е каде ќе се вози трката на 25 април. 

Формула 1 календар за сезона 2021 година:
21 март – Австралија (Мелбурн)
28 март – Бахреин (Сахир)
11 април – Кина (Шангај)
25 април –
9 мај – Шпанија (Барселона)
23 мај – Монако
6 јуни – Азербејџан (Баку)
13 јуни – Канада (Монтреал)
27 јуни – Франција (Ле Кастелет)
4 јули – Австрија (Спилберг)
18 јули – Велика Британија (Силверстоун)
1 август – Унгарија (Будимпешта)
29 август – Белгија (Спа)
5 септември – Холандија (Зандворт)
12 септември – Италија (Монца)
26 септември – Русија (Сочи)
3 октомври – Сингапур
10 октомври – Јапонија (Сузука)
24 октомври – САД (Остин)
31 октомври – Мексико (Мексико Сити)
14 ноември – Бразил (Сао Паоло)
28 ноември – Саудиска Арабија (Џеда)
5 декември – ОАЕ (Абу Даби).

Бразилскиот автодром „Интерлагос“ го продолжи договорот со Формула 1 до 2025 година и останува дел од календарот.