Бастијанини го истурка Мартин за првото место, Дукати е конструкторски првак

• Иван Димовски

Енеа Бастијанини беше „среќен добитник“ во завршницата на трката за Големата награда на Емилија Ромања, за својата 14. победа во Мото ГП кариерата. 

Италијанскиот возач беше доста храбар и во последниот круг го мина Хорхе Мартин, откако во еден свиок не заврте туку продолжи право и практично го истурка лидерот од патеката. И покрај тоа, реакција од стјуардите немаше и Бастијанини ја прослави победата. Тоа значеше дека Дукати си ја обезбеди конструкторската титула во Мото ГП и јубилејни стоти триумф. 

Губитник на денот беше шампионот Пеко Бањаја, бидејќи на неколку кругови пред крајот доживеа пад и не ја заврши трката. Така му дозволи на Мартин да се одлепи на 24 бода на водечката позиција во поредокот на возачите. 

Во бодови завршија Марк Маркез, Бецеки, Морбидели, Вињалес, Квартараро, Еспаргаро и Алекс Маркез.