Бањаја падна во завршницата, славје на Бастианини во Ле Ман

Енеа Бастианини запиша трета сезонска победа на денешната трка на патеката „Ле Ман“ во Франција.

Џек Милер се пласира на второто место, а подиумот го комплетира Алеиш Еспаргаро. Бранителот на титулата Фабио Квартараро четврти мина низ целта, а Марк Маркез се задоволи со петтата позиција.

Жестоката битка за врвот не ја издржа Франческо Бањаја. Италијанскиот возач на Дукати падна на шест круга до крајот и пропушти одново да запише бодови на своето салдо.

Дождот беше закана за денешната трка, но тој не направи проблеми, на големо задоволство на тимовите и фановите. Следната трка е закажана за две недели во италијански Муџело.