• Горан Упале
Алекс Албон и следната сезона ќе вози за тимот на Вилијамс во Формула 1 шампионатот.
Момчето кое се натпреварува под знамето на Тајланд, постигна договор да биде во болидот на славниот тим не само во текот на 2023 година, туку и потоа.
„Задоволен сум од оваа сезона, иако на стартот имавме многу поголеми очекувања. Целта е во иднина да се вратиме во борбата за самиот врв“, изјави Албон.
Announcement
Our number 23 stays for 2023 and beyond!@Alex_Albon commits his future, signing a multi-year contract #WeAreWilliams pic.twitter.com/MJ4aMXoFZj
— Williams Racing (@WilliamsRacing) August 3, 2022
Албон влезе во најбрзиот караван во 2019 година како член на Торо Росо. Во текот на 2020 година беше член на Ред Бул, а минатата сезона ја имаше улогата на тест возач на истиот тим. Од оваа година тој се спои со Николас Латифи зад воланот на Вилијамс.
Во досегашниот дел од сезоната освои три бода и тоа се единствените бодови за Вилијамс годинава.