Атлетика

Министерот за спорт Борко Ристовски доби признание од Европската атлетска асоцијација како и од Атлетската федерација на Македонија за посветеност на спортот и поддршка на атлетиката. 

Министерот за спорт Борко Ристовски заедно со претседателот на Европската Атлетска Асоцијација, Добромир Карамаринов и со претседателката на Атлетската федерација на Македонија, Александра Војнеска-Зикова, денеска присуствуваше на прес конференцијата по повод Конвенцијата на Европската Атлетска Асоцијација која за прв пат ќе се одржи во Скопје, од 24 до 27 октомври. Во склоп на овој голем атлетски настан ќе биде и престижната манифестација „Golden Tracks Skopje 2024” - избор на најдобарите во атлетскиот спорт во Европа.

Градот Скопје кон крајот на октомври ќе биде домаќин на голема спортска церемонија. Најдобрите европски атлетичари ќе пристигнат во нашиот главен град, но нема да се натпреваруваат на атлетската патека, туку дел од нив ќе бидат крунисани за најдобри за 2024 година на стариот континент.

Кенија повторно е обвиена во црно откако уште еден спортист беше пронајден мртов. Клемент Кембои, поранешен африкански шампион во стиплчез на 3.000 метри, почина во градот Итен.

Со рекордни 13.400 натпреварувачи од 55 земји денес се одржа јубилејното дваесетто издание на Скопскиот маратон.

Новата сезона на Дијамантската лига во атлетика започнува на 26 апри во Ксиамен, Кина, објавија организаторите на тоа натпреварување. Како и во претходната сезона, на програмата ќе бидат 15 митинзи, а натпреварувањето ќе заврши со дводневно финале во Цирих на 27 и 28 август. 

Неделната трка „Трчај бе со Алпско“ во Битола се одржа само ден по свеченото отворање на 45. Интернационален фестивал на филмската камера „Браќа Манаки“. Кампањата за трката беше исполнета со креативност, носејќи го слоганот „Филм ми е да трчам“, кој одлично го поврза спортот со магијата на филмот што го слави фестивалот. Оваа синергија го направи настанот уште повпечатлив и привлечен за сите учесници и фанови.

До минатата година, наградите на 5К трката го носеа името на Стевче Ѓоргиевски, легендарниот атлетичар од Битола, чија кариера остави траен белег и во македонската и југословенската атлетика. Роден во Битола, Стевче ги направи првите чекори во АК Олимп, каде што започна неговото патување кое доведе до бројни успеси, како југословенски и балкански шампион. Неговите рекорди на 5.000 метри останаа недостижни со децении.

Идниот викенд, на 22 септември, Битола повторно ќе биде домаќин на популарната Трчај бе со Алпско, кој е во викендот во кој започнува престижниот Фестивал на филмската камера „Браќа Манаки“. Битола ќе биде место на средба на ѕвездите кинематографери од светот, но и на вљубениците во трчањето, па токму од таа причина, мотото на овогодинешното издание е: „Филм ми е да трчам“.