Фенербахче Улкер - Реал Мадрид 2017-05-19 20:30:00

Жељко Обрадовиќ обезбеди уште едно финале, второ за Фенербахче во две години, а вкупно 11. во богатата кариера. Овој пат го надмудри својот поранешен клуб Реал Мадрид и му се реваншираше за поразот во полуфиналето пред две години во Шпанија.

Првакот на Турција, Фенербахче втора година по ред ќе игра во финалето на Евролигата, откако во второто полуфинале го збриша Реал Мадрид со 84-75. Најуспешниот тим од регуларниот дел од сезоната „удри“ во турскиот ѕид и заслужено е поразен. В недела од 20.00 часот за европската круна Перо Антиќ, кој вечерва не доби шанса, ќе се бори против неговата поранешна екипа Олимпијакос.